CCU Nih Master of Arts In Christian Studies Tuahchap Aa Tim

TCP-Hakha| 2019 March 18| Chin Christian University (CCU) nih Master of Arts in Christian Studies tuahchap ding in timhtuahnak a ngei tiah kan theih.

CCU nih Master of Arts in Christian Studies cu kum 2 kai in tuahchap ding timhtuahnak a ngei. Mah an tuah tikah cun Bachelor a dihm cangmi paoh nih kai khawh a si lai tiah kan theih.

2018-19 kum CCU ah cawn khawhmi le degree a latu zapi cu; Mi.Div in minung 7, B.Th in 10, B.Min in 2, Dip.Th in 17, BAE in 3, BBA  in 12, Dip-Eng in 10 le Dip-BA in  42, an zapi minung  103 an si. CCU sianginn nih Degree a rak pek cangmi hna hi 2019 tiangah minung 1382 an si.

Tukum CCU graduation day, avoi 26nak Chin Christian University (CCU) graduation day ah Dr. Bawi Hu le Pu Stephen Ni Kio cu CCU nih a hmasa bik Master of Literature (M.Lit) degree an pek hna.

CCU ah caantling siangcachimtu (Teaching faculty) hi 22 an si. Working staff hi 11 an si. Caanlaak riantuantu hi 23 an si. Lamhlat (further studies) sianginn kaimi hi minung pahnih; William Khen Chum Bik (Ph.D, USA) le Van Neih Thang (MBA, Yangon) an si. Atu lio CCU President cu Dr. Henry Siang Kung a si.

CCU ah scholarship a ngahmi hna cu;
1. Johnson Memorial Scholarship
2. Chin Christian University Scholarship
3. David Van Bik Foundation Scholarship
4. Chin Baptist Churches, USA
5. CEBC, Indiapolis, USA
6. Friends of Myanmar Governing Board
7. Rev. & Mrs. Thlaawr Bawihrin Scholarship an si.

Na ruahning rak langhter ve.. (Leave a comment)

%d bloggers like this: