CDM palik pawl he pehtlaihnak nan ngei tiah Matupi khuami 7 tlaih an tong
The Chinland Post | 2022 May 5 – Chin ramkulh, Matupi peng ah CDM palik pawl he pehtlaihnak nan ngei tiah Matupi khuachung minung 7 cu SAC ralkap nih an tlaih hna tiah CDF-Matupi nih May 4 zaanlei ah a thanh.
“SAC ralkap nih sualnak ngei lo mipi hna cu CDM a tuahmi palik pawl he pehtlaihnak nn ngei tiah an puh hna i an tlaih hna. An tlaihmi a zapi te 7 an si. Nu 6 le pa 1 an si. A ruang um loin an zumh hna lo caah an tlaih hna tiah kan ruah” tiah CDF-Matupi thawngthanhnak lei rianngeitu nih DVB ah a chim.
Matupi khua ah hram a bunhmi ralkap Chit Ko Ko le Monwya ah hram a bunhmi ralkap Phyo Min hna cu BA 72 zuun khat, MA 2 zuunkhat, MA3 zuunkhat he April 21 ah CDF-Matupi sin ah CDM an tuah tiah a chim.
About The Author
