CEF Kalay Thawngthanhnak Le Camping Sawmnak
TCP-Kalay| 2019 February 2| Kalay Chin Evangelical Fellowship (C.E.F) nih Zu le Sa sal in luatnak camping avoi(43)nak ah rak kai cio ding in Bawipa Jesus Khrih min in kan in sawm hna.
A hmun: C.E.F –Camp-Center, 120/10 Bethlehem Sang, Sanmyo, Kalaymyo
A Ni: 4-17.February, 2019 kum (zarhhnih chung a si lai).
Campers pawl luh caan: 4-6 February, 2019 tiang.
Cawmpiaktu : Evan. Aung Te
Sawm tu: C.E.F Kalaymyo
“Kalay C.E.F cu A.D 2000 kum in dirh hram thok a si i, Pathian lam hruainak thawng in kum 18 chung kan kal cang. Hi chung ah Camping, Crusade, le Rev. Dr. Van Ram Uk speaker voi tam deuh sawm inThlarau rawldanghnak khawmpi zong voi (7) tuah a si i Mipi 2000 leng kai an phan tawn. 2019 kum zong Thlarau khawmpi pehzulh ding in timhtuah a si. Zusal luatnak special Camping hi 2005-2006 kum in Kalaymyo, Sanmyo ah a voikhatnak camping kan rak thawk. A tu ah Zu ri Camp hi a voi(42)nak tiang tuah a si cang. Zu le Sa sal le Sehtan Sal tannak chung in mi tampi Bawipa nih luatnak a pek hna” tiah C.E.F committee chungtel upa pakhat nih The Chinland Post ah a chim.
C.E.F nih a timhmi Motto: Gospel For All (Mi vialte caah thawngtha) a si. August, 28-29, 2017 ah C.E.F Bible cathiang phawtzamhnak zong an tuah. Hmuitinhmi ah: 1.Khamh rih lomi Khamhnak, 2. Khamh ciami Thanchonnak le Tuanning ah 1. Bia in Chim, 2. Ca-in tial, le Hlawhtlinnak ah 1. Thlacamnak, 2. Thilpek hna hi an si.
Tukum 2019-2021 tiang Hruai tu hna cu : President-Pu Buan Hei, Secretary-Pu Tial Khar le Treasurer-Pu Lalengkima an si tiah thawng kan theih.
About The Author
