Central Chin Youth Organization EC Sernak Le Phunghram Sernak An Ngei Lai

0

City Hunter| 2018 March 13| Chin ramkulh pengkip zatlang phu 19 nih dirhmi Central Chin Youth Organization (CYO) EC sernak ding le phunghram sernak ding tonpumhnak cu aralaimi March 15-16, Shin Hong Hotel, Kalay ah an ngei lai tiah kan theih.

Hi kong he pehtlai in Central CYO i Vice Chairman Salai Thang Loon nih atu bantuk in The Chinland Post ah a chim.

“March 15-16 hi Kalay ah Chin zatlang phukip in minung pahnih cio tonpumhnak kan ngei lai. A bipi in Central CYO fekte in a dir khawhnak ding EC sernak, phunghram, phunglam le zulhphung sernak kan ngei lai. Phundang in kan chim ahcun Central CYO hi zeitindah kan i thithruai lai, zeitindah riantuannak le cawlcanghnak kan ngeih lai tibantuk pawl ceihmainak le phunghram fehternak kan ngei lai. Tutan tonpumhnak ahcun Central CYO chungtel phu 12 in phukhat ah mino cio lawng kan sawm rih hna. Cun hlathlaitu dirhmun in phudang zong kan sawm hna lai. Hmailei kan i ton than tikah Chin ramkulh pengkip in aa tel rih lomi Chin zatlang phu cheukhat cu kan sawm than te hna lai.”

Central CYO bu cu Chin Center for Peace and Reconciliation (CCPR) tlangtlaknak le hohatnak in February 23-25 tiang tuahmi Chin Youth Conference ah an dirh. Hi conference ah Chin ramkulh chung i siangngakchia le peng tlangkip i mino bu 19 in Chin Mino minung 70 leng an kai kho tiah kan theih.

Central Chin Youth Organization nih a bikin riantuan aa timhmi cu; peng kip le khua kip ah a cangmi rithaisii buainak kong, pawngkam thingram zohkhennak kong, Chin Mino hna Network serpiak, ngandamnak, lentecelhnak le peng le tlang cio hna a humhim khawhnak ding ca a bikin riantuan hi a si.

Center Chin Youth Organization (CCYO) OB hna cu; Chairman ah Salai An No Bik (Matupi), Vice Chairman -1 Salai Thang Loon (Kanpetlet), Vice Chairman -2 Mai Ngun Men (Hakha), Secretary ah Salai Kee Hung (Mindat), Secretary-1 Salai Hau Lian Sum (Tongzang), Secretary-2 Salai Kham Len Sang (Thado), Treasurer ah Mai Bawi Neih Sung (CYO Kalay), Treasurer-1 ah Dika (Hualngo) le Treasurer-2 ah Paletwa mino aiawh in Aung Soe an si.

About The Author

Na ruahning rak langhter ve.. (Leave a comment)

%d bloggers like this: