Central NLD Party Cangkep Committee Ah Chinmi 5 Kan I Tel; Pu Zo Bawi

0

City Hunter| 2018 June 27| NLD (National League for Democracy) Central committee (CEC) ah Chinmi pakhat hmanh an telh hna lo, asinain cangkep committee (CC) ah Chinmi 5 an telh hna tiah kan theih.

June 23-24, Yangon khuapi ah nihnih chung tuahmi avoi 2nak NLD (National League for Democracy) party conference ah Central committee (CEC) minung 6 chapnak le cangkep (reserve) committee caah minung 8 thimnak an ngeih hna. CEC ah Chinmi pakhat hmanh an i tel lo, cangkep committee timi CC lawng ah an i tel.

Hi kong he pehtlai in Chin ramkulh NLD party chairman Pu Zo Bawi nih, “Central committee- CEC ahcun Chinmi pakhat hmanh kan i tel lo. Central committee member timi CC (cangkep committee) chungtel tu ah Chinmi 5 kan i tel. Cu hna cu; MP Pu Bawi Khing, MP Pu Pa Thang, MP Pu Myo Htike, Pu Huat Chum le keimah kan si. Cun, keimah hi CEC ah cangkep (reserve) in a kan telh chih fawn. CC timi hi CEC member tinak a si ve ko, Kawlholh in cun ba-hu- aloh-ahmuh-sawng) ti a si. CEC committee minung 21 chung tu ah kan i tel lo bia tu khi a si” tiah The Chinland Post ah a chim.

NLD party nih 2018 March 30 ah party khuahun le CEC sertharnak an tuahmi cathanh an chuah. Cu cathanh an chuahmi ah central committee (CEC) hna cu a tanglei bantuk in an si.

Khuahun
1. Thura U Tin Oo
2. U Hla Phe
3. U Win Htein
4. U Ung Gyang
5. U Kyaw Khin
6. U Man Joni

Central Committee (CEC)
1. Daw Aung San Suu Kyi – Chairman
2. U Win Myint – Vice Chairman-1
3. Dr. Zaw Myint Maung – Vice Chairman-2
4. U Nyan Win – Secretary chungtel
5. U Han Thar Myint – Secretary chungtel
6. Dr. May Win Myint – CEC chungtel
7. Daw Khin Htay Cuai – CEC chungtel
8. Daw Nan Khin Htwe Myint – CEC chungtel
9. Dr. Myo Aung – CEC chungtel
10. U Htun Htun Hein – CEC chungtel
11. Dr. Aung Myo Hngo – CEC chungtel
12. U Nyi Puh – CEC chungtel
13. U Aung Soe – CEC chungtel
14. Dr. Myo Nyunt – CEC chungtel
15. U Pyo Min Thein – CEC chungtel

A thar chapmi 6 cu;
16. Dr. Tin Myo Win – CEC chungtel
17. U Aung Kyi Nyunt – CEC chungtel
18. U Thein Oo – CEC chungtel
19. Dr. Myint Naing – CEC chungtel
20. U Ein Htung Kha Naw Sam – CEC chungtel
21. U Tin Htuat Oo – CEC chungtel an si.

Chimnak Nawlngeitu
1. Dr. Zaw Myint Maung
2. Dr. Myo Nyunt an si.

A thar thimmi CEC lakah remdaihnak rian a biapi in a tuanmi Dr. Tin Myo Win aa tel i cangkep CEC lakah Rampi President hlun U Htin Kyaw nupi Daw Su Su Lwin aa tel.

About The Author

Na ruahning rak langhter ve.. (Leave a comment)

%d bloggers like this: