Chaklei Kalay Kahdohnak Ah SAC Ralkap 7 An Thi
The Chinland Post | 2023 April 5 — Sagaing ramṭhen, Kalaymyo chaklei, Pindawoo pawngkam ah a cang mi kahdohnak chung ah SAC ralkap 7 an thi tiah CDF-KKG nih April 5 ah a thanh.
March 31 ah Nansaungpu khuate in a rak kai mi SAC ralkap, pyusawhtee le CDF-KKG phufonh hna karlak ah kahdohnak a chuak i sml 3 hrawng a rau tiah theih a si.
Cu kahdohnak chung ah TCDF, CNDF, PDF Kalay, HNB, CR, PDA, CDM Siyin hna bawm in kahdohnak an tuah i SAC lei zong nih hriamngan lawng siloin Helicopter zong a hman chih tiah CDF-KKG nih a thanh.
Kahdohnak chung ah a thi mi SAC ralkap ruak 7 an hmuh i MA3 kuanbawm, 5.56 kuan 20, namte le bag hna an lak khawh tiah CDF-KKG nih a thanh.
CDF-KKG hriamtlai 1 hliam a tuar nain thinphan awk a um lo tiah an langhter fawn.
April 2 le 3 zong ah SAC phu he kahdohnak a chuak rih i SAC lei nih vanlei kahdohnak zong voi tampi an tuah tiah theih a si.
About The Author
