Chawleh Chawhrawlnak Ministry Zung In Director General U Yan Naing Tun A Rian In An Phuah

TCP-Hakha| 2019 January 16| Chawleh Chawhrawlnak ministry zung in Director General (DG) U Yan Naing Tun cu a rian in kan phuah tiah January 14 ah Myanmar rampi President zung nih nawl an chuah.

Hi kong he pehtlai in U Yan Naing Tun cu Mizzima nih pehtlaihnak kan tuah i, “Ministry zung hal hna ulaw a tha lai, minister kha hal ko uh. 067-408006 kha hal ko uh” tiah a kan leh. Cu phone number lawng si lo in ministry zung chimnak nawlngeitu kan pehtlaih nain fehternak bia an chim lo.

“A rian an phuah tu cu a fiang ko. Asinain a dikthliar cu amah DG meeting a kai caah amah nih a chim te ko lai” tiah Chawleh Chawhrawlnak ministry zung in tuanvo ngeitu pakhat nih DVB ah a chim.

DG U Yan Naing Tun cu ramkomh Myanmar rampi phunghrampi upadi pohmah 208 le cozah riantuantu upadi pohmah 6 ning in rampi President U Win Myint nawlpek in a rian in phuah a si tiah an chimphuan.

NLD cozah chan kumthum chung ah ramkomh cozah dirhmun in deputy minister Dr. Tun Win zong atu bantuk in a rian in an rak phuah bal cang.
Ref: DVB, Mizzima

Na ruahning rak langhter ve.. (Leave a comment)

%d bloggers like this: