Chin Ca hi Cozah Sianginn Cacawn Caan ah Cawn Khawh A Si Ko_ Chin Ramkulh Fimcawn Zung Lutlai Daw Hnin Kyi

Chin Ramkulh Fimcawn Zung Lutlai Daw Hninkyi

Salai Josephbawi| 2019 October 6| Chin ca cawnnak kong he pehtlai in cunglei nih zeitik caan ah va cawng u timi umlo in mah le sianginn sianguk asilo ah sayamah te duhnak caan paoh ah cawn khawh a siko tiah Chin Ramkulh Ramkulh Fimcawnzung Lutlai Daw Hnin Kyi nih Chin ramkulh pengkip Caholh le Nunphung committee he 2019 October 2 ton biaruahnak ah a chim.

Cheukhat Chinca chimhtu hna cu thlakhat Ks.30,000 lawng an ngah tikah cachimnak ah an iharh ngaingai. Cheukhat saya/mah le sianguk hna nih Chinca cawn hi zei llo phun le thla dih Chinca report kuat duh zongah duh setsai lo phun an um felfai tein kan checkfelpiak hna u” tiah Paletwa caholh le nunphung lutlai Sanayaung nih a halmi cu Chin ramkulh Ramkulh fimcawnzung lutlai Daw Hnin Kyi nih “ Paletwa saya/mah nan harnak kong he pehtlai in ramkomh vuanci pawl zong ka len hna. A herhtuk kan ti caah nihlawh saya (Volunteer teacher) rian kan pek hna. Rian pek tikah Hakha a ummi nih Paletwa ah va sok a ngah lo. Mah le hmunhma minung lawng kha rian pek khawh a si. Paletwa ah buaih a ngahmi rian sok an um tilo caah tangriat tiang rian kan pek hna hi a si. Matupi zong harnak an ton ve caah Paletwa bantuk in camipuai phitnak le felfai tein kan chek hnu ah rian kan pek ve hna lai. Volunteer teacher hna hi buaih an ngah lo ahcun caantling riankhanh cu an si lai lo.” tiah a chim.

Miphun Kongkau Zung Meeting/ The Chinland Post

“Kei Karenni/Kayah ka si. A hlan ah kan miphun ca cawn a ngahlo. A hnu ah sianginn caan lengah an kan ti. Atu cu sianginn chungah cawnnak nawl an kan pek cang. Cucaah Chin ca le holh hi zanlei class hnu ah cawng u, zanlei class ah cawng u ti a um lo. Nan duh ahcun zingka zongah nan cawn khawh. Saya/mah te caan nan serning le nan sianguk cungah aa ngatmi a si. Chinca nan chimh tik hna zongah nikhat, zarhkhat, thlakhat ah minung zeizat dah an kai timi cazin tha tein cazin chiah nan chiah i caholh le nunphung hotu le rianngeitu theihpinak in cunglei kaiter lengmang ahau. Cu lawngah Chin ca minung mah zat nih an cawn ko timi hoih in saya/mah zong hal khawh a si” tiah abiapeh ah a chim.

Chin ramkulh ah Chin holh phun (27); (1)Khumi (2) Hkongso (3) Khualsim (4)Siyin (5) Zotung (6) Zo (7)Zanniat (8) Tapong (9) Tedim (10)Tashon (11) Dai (12) Kanng (13) Mara (14)Lente (15) Lautu (16) Hualngo (17)Uppu (18)Cho (19) Daayindu (20) Ngawn (21)Bualkhua (22)Laitu (23)Matu (MLA) (24)Matu (MLCS) (25) Matupi (26)Falam (27) Hakha in cawn a si tiah theih a si.

Leave a Commnet

%d bloggers like this: