Chin Digest Vol. 5, No. 1 A Chuak Chom Lai
Editor| 2019 April 4 – Chin Digest careltu le thazaang petu nan dihlak in nan dam lio a si lai tiah zumhnak ka ngei. Tutan zong ah, voidang bantukte in Laiholh (Hakha) a hmangmi catial thiam chung in tampi nih tialmi a tel than.
Cu hna lak ah, Khaipi (Aaduedue) nih tialmi ‘Kan Pawngkam’, Lian Chawn tialmi ‘Pawngkam He A Dammi Pehtlaihnak Kan Herh’ le atulio Kawlram cozah ralkap lutlai siorawl bang an tarhnak hmun kong le buapimi ah, Thawng Za Pum nih tialmi ‘Vawleicung Sual Biaceihnak Zung Hmai ah Myanmar Ram’ le Than Sang Awi tialmi ‘Laimi Nih Buchoh Aung San Hi Kan Upat A Herh Maw?’ tbk. cu an tha kho taktak. Cun, midang catial thiam Salai Tial Awi Thang, Nancy Dawt Chin Sung, Khua Lian Hmung, Chan Hnin Thang, Chinland Post editor in Tawk Tling Thang, Sang Hnin Lian, Ngun San Aung tbk. nih tialmi capar thatha a tel leng ah. Catialtu thar nih tialmi zong tam pi a um.
A ruang tampi ruang ah, Chin Digest chikhat te kan hun din, kan tlai deuh! Nain, Chin miphun a Dawtu le Caholh a tanhtu hna thazaang peknak le hmurka thawng in kan hun i hrim than. Atu ah, April 2019 ah hun chuak than ding in timhlamh dih a si cang. Thazaang peknak in nan kan dirpi lai timi zong zumhnak kan ngei. A rauhhlan ah, Laitlang khuakip ah phanh khawh tiang in timhlmahnak ka ngei.
Aman cu; Kyat 1,000 telawng a si. Cucaah, ramchung le ramleng ummi hna nih, nan khua, nan sianginn, biakinn, zatlang bu le khualei tarnupa carel huammi caah hlut khawh a si. Khua a phanhnak tiang Chinland Post capawtnak tuanvolatu nih kan tawlrel lai. A kuatman lak lo in, kan tawlrel lai!
Cun, Ramleng a ummi hna caah, online in PDF in a duhmi hna nih Chinland Post riantuantu hna sin ah pehtlaih khawh a si. A man bel $ 10 a si lai. Kum 1 ah voi 6 a chuak i, manthumh hnu ah kum khat caah $50 in pek khawh a si.
Upatnak he,
Chin Digest Tawlreltu
