Chin Galaxy Private Sianginn Ah Rian Sok Khawh A Si
Salai Cung Cung |2019 January 22| Hakha hrambunh Chin Galaxy Private Hight School ah 2019-2020 cacawn kum caah rian sok khawh a si. Tang 8, 9, 10 cachimtu, Tang 5, 6, 7 cachimtu le Guide saya-sayamah rian cu 2019 March 18 tiang rian an sok khawh a si tiah kan theih.
“Hi cachimtu ding ah zulhphung kan ngei, degree ahhin zei degree thengte kan timi a um lo. Thiamtak in le felfai tein mah le subject cio a chim kho dingmi kan ti. Ca chimtu ding hi siangngakchia hoih in kan auh te hna lai. Tu lio kan auhmi hna cu tang 5 in tang 10 tiang caah minung pa 10 kan ti rih hna. Rian sok ding form pawl cu alak tein (free) in Chin Galaxy sianginn ah laak khawh a si. Cun March thla dih lai hrawng ah interview tuah an si lai” tiah Chin Galaxy Principle nih The Chinland Post ah a chim.
Tukum Chin Galaxy sianginn 2017-2018 cacawn kum ah siangngakchia zapi hi 262 an si. Caantling cachimtu hi minung 7, caanlak cachimhtu minung 5 an si. Cun Guide saya-sayamah pawl hi minung 15 an si. Tukum tanghra akai lio mi an zapi fonh in minung 90 an si tiah kan theih.
“Kannih cu private sianginn kan si tikah cozah nakin fimnak lei ah siseh thiamnak lei ah siseh sang deuh in kan i zuam peng lai. Cacawn caan hi tuan deuh ahcun cozah he kan i lo, zing 9 in zanglei 3-30 tiang. Asinain, tu hi kan thlen than i a hlan ah voikhat chimh ah suimilam 45 kha, atu cu suimilam 1 in an chimh cang hna” tiah a chim chap.
Cachimtu Saya/ma nih zulhding mi cu CHIN GLAXY Private School ah caantling in rian a tuan dingmi nih zingka in chun tiang bau lo tein a tuan kho mi a si lai. Khunhhal tikah ni 10 nak tam in khunhlak a ngah lai lo (Thil poipang a um sual dah ti lo). Sianginn kai caan a upat lai. Cachimh thiam lawng si loin Ca a chimhmi siangngakchia tha tein a zohkhenh khawh lai.
Biakilh: Rian kong fianternak cu 2019 March 28 in 31 karlak ah thawngthanh a si te lai. Rian kong he pehtlai in hlathlai a duhmi nih Phone: 09265050487 ah pehtlaih khawh a si.
