Chin Hmanthlatu Hna Thanchonak Ca Hmuitinh in Vanmi Productions nih Hmanthlak Zuamnak

 A Tuah

TCP-Hakha| 2020 November 20| US hrambunh Vanmi Productions hruainak in Chin hmanthlatu hna thanchonak le thilthar tuakthiamnak (creative mind) ca muitinh in Hmanthlak zuamnak cu December, 2020 chungah tuah ding timtuahnak an ngei tiah kan theih.

” Tutan hmanthlak zuamnak kan tuahmi hi Chin mino hna hmanthlakning thanchonak le hman an thlak tikah thilthar tuakthiam zohthiamnak ngei hna sehlaw Chin ram dawh hmanthlak tampi ramchung ramleng Chin mi le miphun dang nih an uar khawhnak caah kan tuahmi a si. Aho paoh tel khawh a si.” tiah Vanmi Production Lutlai Salai Lian Thawng nih The Chinland Post ah a chim.

Hi zuamnak ah zulhding le theih ding kongah ” tutan cu Kawlram um minung lawng zuamnak ah telh khawh a si lai. Zuamnak ah cazin a pe mi hna he November 30 ah zulh ding theih ding tete chimnak kan ngei lai. December 1-6 tiang hmanthlak caan pek le December 7-13 tiang Facebook Like & Share caan pek a si lai, cun December 20 hlan ah teinak a cotu thanh a si lai. i pakhatnak laksawng ah Pakhatnak Laksawng – 200,000 MMK , Pahnihnak Laksawng – 150,000 MMK, Pathumnak Laksawng – 100,000 MMK pek an si lai” tiah a chim chap.

Hi zuamnak ah tel a duhmi nih Phone 1. Salai Bawi Uk Thang -Ph.09259153892, 2. Salai Joel Van Tinh Sang- Ph 09890349560, 3. Salai Lian Thawng (US) –Ph 240-786-8162 asilo ah Vanmi Production Facebook page https://www.facebook.com/Vanmiproductions/ ah November 29 zan 10:00pm Kawlram caan hlan ah pehtlaih le cazin pek khawh a si.

Vanmi Production cu US hrambunh Video, Hmanthlak le Livestream lei rian a tuanmi an si i Chin mi zuk, muicawl le thawngpang lei thanchonak caah a cawlcang cuahmahmi a si tiah kan theih.

Na ruahning rak langhter ve.. (Leave a comment)

%d bloggers like this: