Chin Le Rakhine Ah Ruah A Tam Kho Tiah NUG Nih Ralrinnak A Thanh
The Chinland Post | 2023 August 7 — Hmunhma cheukhat ah ti a lianh bantuk in a ra lai mi ni tlawmpal ah Chin ramkulh le Rakhine hna ah ruah a tam kho tiah NUG kuttang khuacaan kong zohfelnak zung MOHADM nih ralrinnak a thanh.
A luancia July thladongh lei le August thla hramthawk lei ah Mon ram, Karen ram, Rakhine ram le Taninthary ramṭhen hna ah ruah a tam i Karen le Mon ram ahcun ti a lian.
Mon ram ahcun ti tlawmpal a ṭum cang ko nain Karen ram, Thanlwin tiva le Moei tiva hna cu ti a ngan rih ko i, Hpa-an, Hlaingbwe, Kawkareik, Myawaddy khua hna ah ti a lian rih ko tiah theih a si.
Cu bantuk dirhmun he pehtlai in nikhua caan sinning zoh tik ah Chin ramkulh le Rakhine hna ah ruah a tam kho tiah MOHADM nih cun August 7 (tuni) ah ralrinnak a thanh.
Shan ram chaklei ah ruah a tam kho ve i Chin ramkulh le Rakhine ram hna ah August 8 le August 9 nihnih chung pehzulh in ruah a fak kho tiah MOHADM nih ralrinnak a thanh.
About The Author
