Chin Miphun Australia Rammi Sinak Kong Cozah Ka Ton lai: Senator Smith

The Chinland Post|2020 January 230| 2020 kum thawk ah Chin ramkulh a rak tlawngmi Senator Dean Smith nih Chin miphun nih Australia rammi sinak ah harsatnak kong he pehtlai in February thla chung ah Australia cozah tonnak a ngeih lai tiah kan theih.

Senator Dean Smith nih Febraury 17 ah Chin miphun kong ah an ram La-wa-kah (Dept Immigration) a ton hna lai tiah amah he pehtlaihnak a ngeihmi sin in theih a si.

Hi kong he pehtlai in, Australia Chin Federation (ACF) Chairman Pu Renny Ceu Lian Mang nih, “Rammi sinak kong ah Chin ramkulh le Karen ramkulh a tonmi siseh, Chin Cozah nawlngeitu nih an chimmi le NLD in Karen minister nu an chimmi cu a chim dingmi cu a si. Cun, CHRO le a dang Karen in nuhrin covo kilvengtu (human rights org.) he tonnak in theihhngalhmi sining zong a chim dingmi cu a si” tiah The Chinland Post ah a chim.

Hi a chim dingmi kong ah a biapi in nawlnak a tuah dingmi cu, Lairam (Chin ramkulh) Khrihfabu le Ram thumnak um Khrihfa bu hna nih miphun sinak ah nawlnak ca an tial piakmi hna cu Australia cozah nih cohlan ding zong hi a si tiah kan theih.

“Atu bantuk in timhtuahnak a ngeih ruang ahhin, Chin Christian Council in Australia (CCCA) GS Dr. Shu Maung le Victoira in Chin Community upa pawl he tonbiaruahnak zong February thla chung ah an ngei lai” tiah Pu Renny nih a biapeh a chim.

Senator Dean Smith nih Chin miphun cung ah dawtnak he rian a tuan i, zawnruahnak a ngeihmi cung ah, Australia ah khua sami CNF in Pu Khua Uk Lian nih Chin miphun a kan dawtnak le Chin miphun caah a tuahmi cung ah upatpek lung lawmhnak bia cu Karen le Chin upa hna he January 27 tonnak an ngeih lio ah a chim.

“Chin miphun kong Australia cozah sin a chim dih hnu ah Chin mipi sin ah ton biaruah nak ngeih ding timhtuahnak a ngei ti zong theih a si .

Cun, a hlei khun in, Australia ummi Ramkomh Kawlram miphun hna caah, a hlei in tlangcung miphun hna caah Kawlca, Laica tbk. cawnnak ding caah cozah sin in bomh nak a kan hal piak cang.

Chin miphun nih Australia ram sinak kan hmuh ah cun kan Chinram, kan nu le kan pa Kan tlawng kho hna lai. Kan miphun caah thanchonak tampi kan hmuh lai. Cun, Australia ram chung ah, kan fale University kai nak ding ca zong rammi sinak an ngeih lawng ah cozah sin ah bomhnak hal khawh a si. Cucaah, ram miphun sinak cu Chin miphun caah biapi taktak mi a si tiah Pu Renny Ceu Lian Mang nih a chim.+++

Na ruahning rak langhter ve.. (Leave a comment)

%d bloggers like this: