Chin Miphun Ni Khuallian A Tlung Ding Thutdirnak Kongkau Zohfel Chung Dingin Vice President Henry Van Thio Lai Tlang A Phan

Salai Elvis|2020 Febuary 13| Akum 72nak Thantlang khua ah tuahding mi Chin Miphun Ni ah khual lian sawmmi President si lo Daw Aung San Suu Kyi a tlung ding an si caah an khuallam a hlan kan zohfel dingin Vice President Pu Henry Van Thio cu Febuary 13 zanlei ah Lai tlang a phan tiah theih a si.

“Atutan Vice President Lai tlang a tlun nak cu Surbung Vanlawng bual zoh le Tikir khua a tlawng lai. A bik in a ratnak cu ram komh khuallian a tlung ding mi hna caah a herhmi a hlan kan in zohfelnak a rak tuah hi a si.” tiah Hluttaw Speaker Pu Zo Bawi nih TCP ah a chim.

Tutan Vice President Pu Henry Van Thio a khuallam um tu ning cu a tanglei bantuk in Hluttaw Speaker Pu Zo Bawi nih a chimchap “ Febuary 13 Kalay myo in Surbung Vanlawng bual a zoh lai i Tikir khua ah a riak lai. Febuary 14 Tikir in Thantlang ah a riak lai Febuary 15 zingka in Hakha ah rak lan lai i Nurses Sianginn sakthar mi hunnak a tuah lai i mah ni lila ah Kalay myo lei ah a kir te lai.”tiah a chim.