Chin Miphun Ni Tuahnak Kong Ah Cozah Lei Nih Ralrin Peknak Thil Phunli An Thanh
The Chinland Post| 2019 February 13| Chin ramkulh huap in Hakha ah tuahdingmi Chin Miphun Ni kongkau he pehtlai in cozah lei tawlreltu nih media kongkau telh in ralrin peknak thil phunli thanhnak an tuah.
Cu thil phunli ralrin peknak an thanhmi cu;
1. A kum 71nak Chin Miphun Ni, Hakha ah tuah dingmi ah thawngpang laak le record laak a duhmi paoh nih Chin ramkulh Thawngthanhnak le Pehtlaihnak zung, February 14 hlan ah min cazin pek dih ding a si lai (Phone 070-21036)
2. Chin Miphun Ni tuahnak Vomtumaung certual chung ah rithaisii dinei a ngah lo. Meithal, nam le a puak khomi thilri paoh i put le i ken a ngah lo.
3. Chin Miphunn Ni tuah chung ah Vomtumaung Cerltual le a pawngkam hrawnghrang ah Drones thlah a ngah lo.
4. Chin Miphun Ni caanhmaan chung ah lamkham le lamphih a ngah lo. A bik in Bogyoke lampi, Gangaw lam le Palektalen lamtonnak hmun, Bogyoke lampi, Shwemyodaw rawldawr lamtonnak, Carson hall kainak lamtonnak, Zwe Guest House lamtonnak hmun pawl phih le kham lo ding an si lai.
A cunglei thil phunli a zul lomi le a buartu paoh nih aherhning bantuk in dantat an si lai tiah Akum 71nak Chin Miphun Ni Tawlreltu- Thawngthanhnak Lei Sub Committee nih an thanh.
About The Author
