Chin Miphun Tengnge Pyo Miphun Min In Hmatpungtin Tuahpiak Awk A Tha Rih Lo

0

Aung Aung| 2018 March 13| Chin ramkulh, Mindat pengkomh chung ummi Pyo miphun pawl cu Pyo miphun tiin an miphun min thlen i rammi sinak catlap (Hmatpungtin) tuahpiak ding a si khawh rih lonak kong Myanmar ramkomh Lahwahkah minister U Thein Swe nih a chim.

March 9 ah tuahmi Amyotha Hluttaw caan hman tonpumhnak ah Mindat Amyotha hluttaw palai U Man Law Maung nih 2014 rampi milu cazin lak lio i Mindat pengkomh chung um Pyo miphun pawl nih an miphun min ah Pyo tiin tial piak ding an rak hal mi cu tuah piak ding timhlamhnak a um le um lo a hal.

“Rampi nih ram chung um miphun pawl min cazin a remh le a fehter hlan chung cu Chin ramkulh Mindat pengkomh um Chin miphun pawl cu Pyo miphun tiin thlen le hmatpungtin tuah piak awk an tha rih lo” tiah ramkomh minister U Thein Swe nih cun a leh.

1983 milu relnak cazin ning in Ramkomh Myanmar ah miphun pi timi Kachin, Kaya, Karen, Chin, Burma, Mon, Rakhine le Shan tiin phun riat kan um i miphun thengnge 135 tiin fehter a si. Cu chung ahcun Chin miphun chung in phun thengnge pawl 53 an um timi chung le ram pumpi chung miphun tengnge 135 chung zongah Pyo timi miphun min kan hmu lo tiah a chim chap.

Cu leng ah 2014 rammi milurelnak ah khan miphun in cohlan a tlak maw tlak lo, caholh, min awcawi, facang tibantuk zong a hnok mi tamtuk a um caah ceihruah cikcek hnu lawng ah thawng thanh dingin kan chiah ko tiah a betchap.

“Kannih cu Chin miphun kan si lo caah hlan lio Chin miphun min in hmatpungtin nan kan tuah piak lio ah khan kanmah nih kan hal ning bantuk in tuah piak kan rak si lo. Mirang uk chan thil tuah mi ruangah hi hna hi Chin an si ko tiin Chin miphun min an rak kan bunh. Kanmah nih kan duhning tein a si lo caah Pyo miphun pawl kan duhning tein hmatpungtin tuah piak than a herh” tiah Mindat pengkomh Pyo Caholh le Nunphung phu hoatu U Shing Ke Shing nih a chim.

Ref: The Voice

About The Author

Na ruahning rak langhter ve.. (Leave a comment)

%d bloggers like this: