Chin Ralzaam Kong I UNHCR Nih Biachahnak A Tuahmi Cungah CHRO, CRC, SAHRD Le SAFHR Nih Press Conference An Tuah

0

TCP-Online|2018 August 4— Chin ralzaam kong i UNHCR nih biachahnak a tuahmi cungah Chin Human Rights Organization (CHRO), Chin Refugees Communities-Delhi (CRC), Independent Chin Communities (ICC, Malaysia), South Asia Human Rights Documentation Centre (SAHRD) le South Asia Forum for Human Rights (SAFHR) nih India ram khualipi New Delhi i Indian Women’s Press Corp ah 2018 August 3 ni khan Press conference an tuah.

Hi kong he pehtlai in Delhi hrambunh CHRO tuanvo ngeitu Salai Cung Dawt nih “Tutan Press Conference nih a langhter duhbik mi cu; UNHCR nih Chin ram a him cang ko, Chin miphun cu UNHCR zohkhenhnak tang ah um an herh ti lo an ram ah an kir kho cang a timi kong he pehtlai in ralzaam kirnak ding caah Chin ram zapi in a him rih lonak, kan biaknak le miphun sinak ruang ah rialdip kan si peng rih nakkong le UNHCR nih ralzaam sinak tahfung tang ah zohkhenhnak a pek cangmi hna Chin ralzaam pumpak duhnak halta hmasa loin le Chin ralzaam community he biak chonhnak, i ruah cikceknak ngei ta hmasa loin a tu bantuk biachahnak a tuah mi hi a dik lo, UNHCR nih International Refugee law a buar timi pawl hi langhter bik mi cu a si”.

Press Release An Tuahmi

Press conference ah Mr. Ravi Niar (Director of SAHRDC), Mr. Tapan Boss (Director of SAFHR), Salai Sang Hnin Lian (CHRO Program Director) le Mai Rem Mawi (CRC president-Delhi) nih sining fianternak in biachimnak an ngei. Mah kan cathanh hi Independent Chin Communities (ICC, Malaysia) zong an i tel ve. Delhi khuasa Chin ralzaam upa le Pastor minung 40 dengmang nih an telpi hna leng ah India thawngzamh phu Media minthang The Telegraph, Asian News International le The Hindu pawl nih felfai tein an chim mi pawl zong record an tuah hnu ah an phozar cio.

“A luancia kum 3 in nihin tiang a cang mi Chin ram chung nuhrin covo buarnak kong vialte cu CHRO nih felfaite in khomhsuatmi (documentation) a tuah i felfai tein a hlathlainak tuah dih hnu ah report puitling taktak in a chuah, cu report i tlaih in CHRO nih UNHCR Delhi zong tonnak a ngeih hnu ah cu CHRO report cherhchan in a tu press conference zong hi tuah rih a si” tiah Salai Cung Dawt nih a chim.

Atu Delhi cawlcangh ning bantuk ning te hin Malaysia zongah CHRO cu cawlcangh an i tim rih pin ah Chin ram kan sining diktak International ramkip nih a hmuh khawh i UNHCR nih Chin ralzaam cung i biachahnak a tuah ciami zong a zoh tthan hrimnak hnga ding ah karhlan le cawlcangh a si peng rih lai tiah kan theih.

 

A tanglei link hi International Media hna nih an langhtermi an si;

Telegraphi India

The Hindu

VOA (Minutes 10 in 14 kar ah a um lai)

About The Author

Na ruahning rak langhter ve.. (Leave a comment)

%d bloggers like this: