Chin Ram Ah Covid-19 Zawtnak Hrik Ngei 98 An Um Cang I Siizung A Um Lio Minung 22 An Si

0

Hmanhtlak/IPRD

Salai Bawi Lian Sang| TCP-Kalay| November 23, 2020|Chin ramkulh Covid-19 pulral runvennak cu peng kip cio ah pulrai runvennak tawlrelnak committee an ngei cio. Mah pengkip committee   nih khualutnak check-gate ah ramchung ramleng/ramthen in  lut mi hna cu facility Quarantine Ni(14) chiah in swab test tuah an si. Thilphorh motor mawng Driver le hnuzual pawl cu minute (15) can pek in Rabid Test Kit an si. Zawtnak hrik hmuhmi hna cu Facility Quarantine ah swab test an tuah chap hna.

Chinramkulh Avoihnihnak Covid-19 thlihrang ruangah September thla in november 22 ni tiang ah covid-19 hrik ngei minung(98) an hmuh i minung(76) cu siizung in an chuak cang. Nihin ah sii ai thop lio mi minung(22)  an si  tiah thawng theih a si.

Facility Quarantine umnak kip ah Hrik thah si kap nak le thianghlinhnak zong tuah a si. Facility Quarantine alutmi pakhat ei-din nak ah Chinram cozah nih nikhat kyat (3500) cu ni 14 ei-dinnak ah kyat (49,000)bawmhnak a pek hna.

Chinram luhmuhzi zung nih kum (5) tang ngakchia hna le Kum (60)cung upa pakhat cio ah kyat(30,000)bawmhnak a pek hna tiah Hakha Information zung in thawng zamh nak a tuah.

November 20 tiang Chinramkulh Covid-19zawtnak hrik ngei siizung ummi Hakha(1), Falam(3), Tedim (3), Mindat(12), Kanpetlet(1), Matupi(1), Paletwa(4) an dihlak (21) an um.

Ref: Ministry of Health and Sports, Myanmmar, IPRD/ Chin

About The Author

Na ruahning rak langhter ve.. (Leave a comment)

%d bloggers like this: