Chin Ram Chung Saram Pawl Thahnak Kongah Cozah Thawngzamh Ca Nih A Tial Ning

0

TCP-Online| 2018 February 2| Chin ramchung saram pawl thahnak kong he pehtlai in cozah thawngzamhca The Mirror Daily nih January 31 ni khan a tanglei bang in a tial.

————————————————————–

Chin ramchung saram pawl an ci a mit pah deng caah license ngeilo ramvaihnak meithal pawl hman kan khap cang lai tiah Chin ramkulh cozah zung lei nih an chim.

“Chin ramchung ah license ngeimi ramveihnak meithal pawl cu hman khawh an si ko. Khuate lei ah cun license ngei lomi meithal aa kenmi an tam. A bikin, mah meithal hna cu ramvaihnak ah an hman. Hiti mizei kip nih ramvaihnak meithal an ngeih cio tikah Chin ramchung saram pawl zong an tlawm ngai cang, an tio dih ngawt khi a si. Cucaah, atu a nung rihmi saram hna hi kan humven a herh cang. Hiti kan humvennak ah hin license ngei lo ramvaihnak meithal pawl cu kan tlaih cang hna lai” tiah Chin ramkulh cozah zung lei nih an chim.

Chin ramkulh ah hin nunphung nih a zulh ning tein ramvaihnak meithal cu Chin Act upadi zong ah a ummi a si. Nain, License ngei lo a hmangmi cu tlaih an si pinah lai i thong ah kum 7 thlak an lai. License ngei lo ramvaihnak meithal a ngeimi zong mah le peng khuabawi sinah ap/pek cio dingin ramkulh cozah lei nih cun thawng a thanh cang, The Mirror Daily nih a cunglei bang in a tial.+++

About The Author

Na ruahning rak langhter ve.. (Leave a comment)

%d bloggers like this: