Chin Ram Telh In Ramchung Ah Ministry Of Humanitarian Affairs And Disaster Management Nih Kyat 10 Billion Bawmhnak A Pek
The Chinland Post | January 17, 2023 — NUG kuttang minung harsa bawmhnak le zohkhehnak, Ministry of Humanitarian Affairs and Disaster Management nih 2021 April 16 in 2023 December 31 tiang ah Chin ramkulh telh in mah le ram cio ah kyat 10.51 Billion (US $ 5.01 million) bawmhnak a pek tiah January 16 ah NUG nih thawngthanhnak a tuah.
Ramchung ramthen le ramkulh vialte le ramri um harsa mi department cio ah bawmhnak a pek hna. Chin ram telh in Kyat 519.7 million bawmhnak a pek tiah NUG nih thawngthanhnak a tuah.
Mah bawmhnak ah SAC nih inn khanghnak, raldohnak ruang ah inn le lo chuah tak in a zaam mi, dohthlennak ah hliam a tuar mi le nunnak a pe mi innchungkhar, pum tlamtling lo mi telh in hliamtuar mi, CDM cozah riantuan mi, kokek khuacaan ruang ah harnak a ing mi, fimthiamnak le thil phunkip telh in harnak a tong mi hna cu bawmh an si.
Cu bawmhnak ah mah le khuaram ah hawikom bu, palai-kusale, harnak tong mi bawmchantu bu, volunteer in mipi he riantuan mi bu hna chim duh mi a si.
A tulio humanitarian harsa mi bawmhnak cu a herh tak, mipi hna caah dohthlennak hi kum 3 chung ah phunzakip in dohthlennak ah lungthin tak in riantuan caah pumpak in bawmchannak a tuahtu hna sin ah lunglawmhnak kong zong NUG thangthanhnak ah an telh chih.
