Chin Ramkulh Ah Cyclone Shelter Hmun(4) Sak Mi An Lim

Salai Bawi Lian Sang| TCP-Kalay| October 17, 2020| Chin ram kulh chung Hakha peng, Falam peng Lungpi sang, Tonzang peng le Matupa pengkilh um Lailempi peng ah Puicim zatlak tontik dornak (Cyclone shelter) hmun(4) ah an sak mi cu an lim cang tiah theih a si.

Hakha peng um Cyclone Shelter saknak ah LSP company nih Kyat (99.7) million dih in a sak I a tung pe (150) a van pe(170) a san pe (20) in milu (1000)I dor kho ding in an sak.

Falam peng Lungpi khua um Cyclone Shelter saknak ah Thuya Lin company nih Kyat (238.850) million dih in a sak i a tung pe (90) a van pe(60) a san pe (22) in minung(600)I dor kho ding in an sak.

Tonzang peng um Cyclone Shelter saknak ah 3.S company nih Kyat (224.000) million dih in a sak i a tung pe (60) a van pe(70) a san pe (20) in milu (500) i dor kho kho ding in an sak.

Matupi pengkulh Lailempi peng Cyclone Shelter saknak ah Khinemyinttu company nih Kyat (222.000) million dih in a sak i a tung pe (90) a van pe(60) a san pe (13) in milu (600) i dor kho ding in an sak.

Mah Cyclone Shelter hmun(4) hi nikhua can tha lo ruang le lihnih harnak phun ton tik ah mipi i dor ho ding in sak mi a si tiah Chin ramkulh nikhua tahnak lei tlangtlai bu zung Director U Min Thein nih a chim. Ref: MRTV