Chin Ramkulh Ah Kumthum Pehte In Tanghra Awng An Um Lonak Sianginn
Tawk Tling Thang| 2019 June 11| Chin ramkulh ah 2017-2019 tiang kumthum pehtlai te in tanghra awng an um lonak sianginn pathum a um tiah kan theih.
2017-2019 tiang kumthum pehtlai te in siangngakchia camipuai a phimi an um ko bu ah tanghra awng an umlonak sianginn pathum cu; Falam peng in Weibulah, Mindat peng in Lohshae le Paletwa peng in Meiksawa an si.
Meiksawa hi 2017 kum ah 34, 2018 kum ah 59 le 2019 kum ah 49 an phi nain pakhat hmanh an awng lo. Weibulah hi 2017 kum ah 8, 2018 kum ah 8 le 2019 kum ah 10 an phi nain pakhat hmanh an awng lo. Lohshae hi 2017 kum ah 7, 2018 kum ah 13 le 2019 kum ah 7 an phi nain pakhat hmanh an awng lo tiah Chin ramkulh Fimcawnnak zung cazin ning in kan theih.
2017-2019 tiang kumthum chung ah kumhnih chung tanghra awng an umlonak sianginn 13 cu;
Thantlang peng in Tlangpi (2018 le 2019), Farrawn (2017 le 2019), Aibur 2018-2019 kum ah siangngakchia pakhat hmanh an awng lo.
Tedim peng in Zozang-A hi 2017 le 2018 kum ah pakhat hmanh an awng lo. Tonzang peng in Cikha (2017 le 2018), Tuimang (2017 le 2019), Tuimun (2017 le 2018), Phaitu (2017-2018), Mualpi (2017 le 2018) ah pakhat hmanh an awng lo.
Mindat peng in Rampan (2017 le 2018), Madu (2017 le 2019) ah pakhat hmanh an awng lo.
Palewa peng in Miza hi (2018 le 2019), Muntanu (2017 le 2019) ah pakhat hmanh an awng lo tiah 2019 kum Chin ramkulh tanghra result kong an thanhchuahmi Chin ramkulh Fimcawnnak zung cazin ning in kan theih.
About The Author
