July 25, 2024

Chin Ramkulh Ah SAC Nih An Tank 2 An Hlonh Tank

0

The Chinland Post | 2023 April 20 — Chin ramkulh, Falam-Hakha lamcung, Hakha peng, Chuncung khuate pawng ah SAC ralkap ca ah eidin le hriam a phor mi mawṭaw pawl cu CDF le CNA phufonh nih an hrawh khawh i cu chung ah Tank 2 zong hman awk a ṭhat ti lo caah lam kam ah an kal tak.

“Tank 2 an umnak hi aa hlat ngai. Pakhat hi a kaang dih i hman awk a ṭha ti lo. Adang pakhat cu a rawk cikcek cang. A leng lei hi cu an ṭha ngai mi an lo. A chunglei seh pawl cu an rawk dih cang. A chung i kuan le bom pawl zapi cu an lak dih cang” tiah CNA ralkap pakhat nih a chim.

Chin ramkulh, Falam-Hakha lam, Hakha peng Chuncung khua pawng ah SAC ralkap Tank 2 cu CNA le CDF phufonh nih April 13 le 14 ah an hrawh khawh.

Chin ramkulh, Hakha peng he meng 17 aa hlatnak Chuncung khua ah CNA, CDF phufonh le SAC ralkap karlak ah April 13 zinglei ah kahdohnak a rak fak i SAC nih vanlei kahdohnak zong a rak hman.

Chin ramkulh chung a rak lut mi SAC ralkap le Chin hriamtlai phufonh hna karlak ah kahdohnak voi tampi a chuak i SAC lei 30 hrawng an thih bantuk in mawṭaw 5 zong lam ah an kaltak.

About The Author

Na ruahning rak langhter ve.. (Leave a comment)