Chin ramkulh ah SAC nih vanlawng a hmanmi cungah ICNCC nih sualphawtnak a tuah

The Chinland Post | 2022 July 5 – Mindat peng, khuate cheukhat ah SAC nih vanlawng in kahdohnak a tuahmi cungah Interim Chin National Consultative Council (ICNCC) nih fak piin sualphawtnak le duhlonak a langhter.

Mindat peng ah a ummi Chet le Suntaung khuate hna ah SAC ralkap nih July 2 ah vanlawng in bom a thlak caah Chin miphun 3 an thi i mipi tampi hma a tuarnak thilsining cungah atu bantuk in ICNCC nih duhlonak cathanh a chuah hi a si.

Chin miphun hna umnak khuate ah vanlawng in kahdohnak a tuah hi SAC nih Chin mipun cungah raltuknak lei sualnak nganpi a buarmi a si tiah a langhter.

Chin ramkulh telh in, tlangcung miphun le nelrawn mipi hna sin ah atu bantuk in vanlawng hmang le thazang tampi in kahdohnak a tuah ruangah ṭhatnak zeihmanh a chuahpi lai lo i SAC cungah tlangcung miphun hna huatnak tu a karhter chin lai tiah ICNCC nih a thanh.

Na ruahning rak langhter ve.. (Leave a comment)

%d bloggers like this: