Chin ramkulh ah sianginn a apmi 22,000 deng an si i Paletwa pengah a tambik ap a si

0

The Chinland Post | 2022 June 2 – Chin ramkulh ning in May 31 tiangah sianginn aa apmi 22,000 hrawng an si i 2022-2023 cacawn kum caah sianginn ap a tambik nak hi Paletwa peng a si tiah Chin ramkulh Peng fimcawnnak zung in rianṭuantu pakhat nih Chin World ah a chim.

“May 31 tiang Chin ramkulh chung sianginn a apmi hi 22,000 hrawng an si, Sianginn hi June 2 ah on a si lai. Paletwa pengah sianginn a apmi an tambik. Tukum cacawn kum zong kum dang bantuk in thla 9 kai a si lai. Saya/mah an tlamtlin ning in chimh a si lai”.

June 1 Naypyitaw ah tuah a simi Press Conference zongah sianginn ap a tlawmbik nak hi Chin ramkulh a si i sianginn a apmi 20,000 luan hrawng lawng an si tiah Major-General Zaw Min Htun nih a chim.

2022-2023 cacawn kum caah Thantlang le Kanpetlet peng telh loin a dang peng 7 ah June 2 in sianginn awn a si i CDM a tuahmi saya/mah an tam caah cacawnnak thazang a der a si ahcun sianginn awn khawh a si lonak hmunhma i saya/mah pawl a herh ning in auh a si lai tiah Peng fimcawnnak zung in rianngeitu pakhat nih Chin World ah a chim.

About The Author

Na ruahning rak langhter ve.. (Leave a comment)

%d bloggers like this: