Chin Ramkulh Bogyoke Milem Chiahnak Caah Cozah Tangka Kan Hmang Lai Lo; Minister U Soe Htet

Hakha- TCP |2018 October 6| Chin ramkulh ah Bogyoke Aung San milem chiahnak caah cozah tangka hmang lo in bawmchantu hna bawmhnak tangka tu in kan sak lai tiah Chin ramkulh Sipin Minister U Soe Htet nih a chim.

“Bogyoke milem saknak dingah hin mi pakhat nih Sing 300 kan bawmh hna lai a ti i cu pa nih cun a dihlak in tuanvo a lak dih ko lai. Kanmah lei in cozah tangka hi kan hmang lai lo, mizapi sin bawmhnak a chuakmi in kan sak lai” tiah Chin ramkulh Minister U Soe Htet nih a chim.

Bogyoke Aung San Cu Independence A Kan Lakpiaktu Asi Caah A Milem Kan Ngeih A Herh: Pu Zo Bawi

Hi Bogyoke milem cu Hakha le Thantlang ah chiah a si lai i milem zong hi Sagaing ramthen ah kan cah cang hna tiah Sipin minister nih a chim. Chin ramkulh chungah Bogyoek Aung San milem chiah dingmi kongah hin Thantlang mizapi an lungtling lo, hi nak in uktu bawi Chin paraltha milem hmanh chiah ah a tha deuh tiah an chim.

Hi kong he pehtlai in Minister U Soe Htet nih, “ahlan ah cun duh lonak a rak um ko nain tu hi cu cozah tangka in a si ti lai lo caah mizapi sin bawmhnak in sak dingmi a si lai caah phundang te a si. Cun hlan deuh ah cun Bogyoke pangpar dum ti in a si caah mizapi lei in bia a tam. Asinain atu cu mizapi pangpar dum ti in sak a si cang lai” tiah a chim chap.

Mah kong news relchap awk: Thantlang Khua Aung San Milem Le Bogyoke Pangpar Dum Tuahnak Rian An Thok

Mah kong news relchap awk: The Chinland Post Poll Result; 68% Nih Thantlang Bogyoke Aung San MILEM Sak An Duh Lo

Ref: Khonumthung

Na ruahning rak langhter ve.. (Leave a comment)

%d bloggers like this: