Chin Ramkulh Budget 61 % Cu Lam-Hlei Caah Hman A Si Lai

Salai Cung Cung|2019 March 18| Chin ramkulh cozah nih 2018-2019 tangka kum Chin ramkulh Budget zatuak 61% cu Lam le Hlei saknak caah an hman lai tiah kan theih.

2018-2019 tangka kum ah Chin ramkulh Budget hman ding cu 144,896 nuai hrawng a si tiah kan theih i cu chung ah zatuak 61 % cu construction ministry (sohlohzi vuanci) zung nih simanking a tuahmi chung in an hman lai tiah 2018-2019 kum Citizen’s Budget kong cauk chuahmi ah an langhter.

“A bik in kan hmanmi cu lam caah hman mi a tam. Kan lam a that lo caah lam ca lawng te ah hin zatuak 61% hrawng kan hman. Ramkomh Budget siseh Ramkulh Budget siseh tubantuk in kan hman. Tam deuh hi cinthlainak kan tuah, cu cinthlak mipawl cu lam le sul a that lo caah khuakhat le khuakhat, hmunkhat le hmunkhat pehtlainak a har, cu pawl buaibainak cu an tam tuk caah Lam caah hin a bik in kan hman mi a si” tiah Chin ramkulh chinphuannak nawl ngeihtu Sipin Minister U Soe Hteh nih a chim.

Ramkulh Budget le Ramkomh Budget tiin phunhnih in an then. Ramkulh Budget in Kyat 67,050 Nuai le Ramkomh nih pek mi Budget in Kyat 28,945 nuai chung ah Budget zapi zatuak 61%  cu Lam-Hlei saknak caah hman ding in timh tuahnak an ngei.

Ref: Khonumthung