Chin Ramkulh Caan Karlak Thimnak Kongah A Lungtho Mi An Tam

0

TCP-Thantlang| 2018 November 1| Chin ramkulh chung Hluttaw palai a baumi zaka Kanpetlet le Matupi peng ah tuah dingmi rampi caan karlak thimnak kongah a lungtho (seih-vuan-sa) mi an tam ngai tiah theih a si.

Kanpetlet peng ah Pyithu Hluttaw palai a baumi zaka thimnak ding ah avoi hnihnak mee thlatu cazin an tarmi chungah lungtho ngai in a rak zohmi minung an tam ngai” tiah thimnak lei tuanvo ngeitu pakhat nih a chim.

Khua mi hna nih tutan caan karlak thimnak kongah avoi khatnak mee cazin a rak zoh mi zatuak 33% an si i avoi hnihnak mee cazin tar ah a zohtu zatuak 41% an karh.

Kanpetlet pengah sangthen 12 a um i khua komh (oh-suh) 26 le mee thlaknak zung 69 a um i mee thlakho tu minung 12,449 an um. Mee thla kho ding zatuak 93% cu Chin miphun an si. Kanpetlet peng ah aa zuam cawh ding mi hna cu NLD, USDP, Chin party pahnih tel in party pali an i zuam cawh lai.

Matupi peng No.1 ah NLD le CLD (Chin Party) an i zuamcawh ve lai. Matupi No.1 chungah sangthen 4, khuakomh (oh-suh) 34 le mee zung 70 le hi chungah mee a thlatu ding minung 17,362 an um tiah theih a si.

“Caan karlak thimnak tuahnak ding a simi Kanpetlet khua ah Aung San Su Kyi a rak tlawn nak a ruang cu rampi hruaitu pakhat a sinak thawng in a rak ra sawh mi a si” tiah Kanpetlet khua Commssion zung tuanvo ngeitu U Ti Law nih a chim.

Caan karlak thimnak cu November 3 ah an tuah lai.

Ref:DVB

About The Author

Na ruahning rak langhter ve.. (Leave a comment)

%d bloggers like this: