Chin Ramkulh Chung Palek Riantuan Duhmi An Auh Hna Lai

Salai Elvis| 2018 September 11| Chin ramkulh chungah palek rian thazaang an tlawm rih caah mah le peng cio chungin palek riantuan a huam mi paoh rian an auh hna lai tiah Mindat pengkomh palek bawi Ye Lwin Oo nih a chim.

Palek thazaang chapnak caah a tubantuk in rian auh an timh cu a si. Sok a duh mi hna nih mah le khua/peng cio ca holh a thiam mi le tangli tel a awng mi a si lai i a tung san pe 5’x3” cung a si lai. Kum 18 in 30 kar a si lai. Nu hna caah a tung san pe 5’x2” in a cung lei nih sok khawh a si.

Hi rian cu June thla khan sok khawh a rak si cang i minung zat rikhiah um lo in sok khawh a si. A sok mi hna cu Training an kai hnu ah mah le um nak cio ah palek rian pek in tuan a si lai. Chin ram huap in palek rian sok khawh cio a si tiah kan theih. +++

Na ruahning rak langhter ve.. (Leave a comment)

%d bloggers like this: