Chin Ramkulh Chungah Taangli Le Taangriat Siangngakchia Minung 7 An Sung

Salai CungCung |2019 April 22| 2018-2019 cacawn kum Chin ramkulh chung ah taangriat le taangli in camipuai a sungmi siangngakchia 7 an si tiah Chin ramkulh fimcawnnak zung in kan theih.

Taang 8 a sung mi pawl cu Tonzang in pakhat, Kanpetlet in pakhat, Paletwa in pakhat le Hakha in pakhat an zapi minung 4 an si. Taang 4 a sung mi pawl cu Tedim in pakhat, Falam in pakhat le  Hakha in pakhat an zapi minung  3 an si. A sungmi taang 4 le taang 8 ah anzapi minung 7 an si tiah kan theih.

2018-2019 cacawn kum ah taang 8 camipuai phi ding zapi minung 8,269 chung ah minung 8,153 nih camipuai an phi. Hi chungah minung 4 an sung. Chin ramkulh chung ah taang 8 camipuai phi mi chung in a baumi tambik cu Paletwa in minung 36 an si i a tlawm bik a baumi ah Falam pengkomh, Cikha in minung 1 an si.

Cubantuk in taang 4 camipuai a phi ding zapi minung 13,377 chung ah minung 13,281 nih camipuai an phi kho. Hi chungah minung 3 an sung i minung 96 an bau. Chin ramkulh chung ah taang 4 Camipuai  phit a baumi tambik cu Tedim in minung 26 an si i a tlawmbik a buaimi ah Falam pengkomh Cikha in minung 2 an si tiah kan theih.

Chin ramkulh chung ah taang 8 awngmi zapi pa 3,871 le nu 4,278  an si i a sung mi minung 4 an si. Taang 4 awng mi zapi pa 6789 le nu 6489 an si tiah ramkulh fimcawnnak zung cazin ningin kan theih.

Leave a Commnet

%d bloggers like this: