Chin Ramkulh Cozah Nih Taing-yin-tha Ce-zua Tuahnak Ding Hmun An Humhak

Salai Elvis| 2019 February 12| Chin ramkulh cozah nih Hakha khuadongh Falam lei ‘donnak signboard’ tarnak hmun pawng ekah 15 tluk a kaumi hmunrawn cu Taing-yin-tha-cezua tuah ding in timhtuahnak an ngei tiah tuanvo ngeitu sin in kan theih.

“Falam lei hei kalnak khualuh hauka kehlei ah motor nganmi chiahnak hmun kan humhaknak a si i vorhlei kam ah khin ekah 10-15 tluk a kauhnak hmunrawn tha ngai a um i cu ka zawn cu a si khawh ah cun Taing-yin-tha-cezua tuah dingin vawlei kan humhaknak zawn a si.. Cuka zawn cu hmunrawn le hmunrem ngai a si, a bik in khualtlawng mi hna caah le Taing-yin-tha-cezua hi tharchuah phunkhat zong a si caah hmun kan humha nak cu a si. Zeitik rian kan thok lai a fiang rih lo, rampi le ramkulh budget zong in a har ngai ding a si. A tu lio cu Lam, Hlei, Fiamcawnnak le Ngandamnak kong hi papek in riantuan a si rih caah mah rian cu caanlak deuh a hau rih ko lai. A hmunhma lawng kan humhak rih” tiah ramkulh cozah chimnak nawl ngeitu Sipin vuanci U Soe Htet nih The Chinland Post ah a chim.

Chinram ah ramchung ramleng in khualtlawng mi an karh i an rat duhnak ding kongah Chin ramkulh cozah nih aa hmaithlak mi rian pakhat zong a si. Chinram chung ah National Park zong hmun nga Zinghmuhtlang, Ciriangtlang, Bawipatlang, Mi-Epi tlang le Kennedy tlang cu rian tuanchuah dingin an i zuam liopi a si tiah kan theih.

Leave a Commnet

%d bloggers like this: