Chin Ramkulh Cozah Nih Website Tuah An Tim

TCP-Online| 2018 September 8| Chin ramkulh cozah nih mipi le cozah, cozah le Media kar phungningte in thawngpang ithanh khawh nakding ca ah tiin Website thar tuah an tim ti thawng kan theih.

Hi kong he pehtlai in Chin ramkulh cozah ah chimrel khawhnak ngeitu tu atu lio Sipin Minister tuanmi U Soe Htet nih,

“Chin ramkulh cozah konghe pehtai in tuan deuh khan cun Minister Isaac Khen nih cozah aiawh in bia a rak chim. Nain, tucu a nih kha rian aa dinh cang tikah ramkulh cozah nih keimah hi cozah aiawh in chimrel khawhnak rian an ka pek. Kei zong cu atu in hin thla 3 lawng rian a tuan rihmi ka si. Felfai deuh in cithlat zong ka tuah cuahmah. Caah, phungningte in Website thar hna tuah dingin timhlamhnak ka ngei. Mah Website thar tuahnak ding hin Budget zong ka hal cuahmah lio a si. Mizapi le cozah ipehtlainak, Cozah le Media ipehtlainak diang ca a si te lai” tiah a chim.

Mahti Minister U Soe Htet nih a chim cu a luancia August 30 ni ah Chin Civil Society, Chin Media Network le pumtlinglo hna meeting an tuahnak in a chim mi a si.

Ref; Khonumthung

Na ruahning rak langhter ve.. (Leave a comment)

%d bloggers like this: