Chin Ramkulh Fimcawnnak Sianginn le Herhbau Phun 119 Caah Ramkomh Tangka Kyats Nuai 17868.4 An Hman Lai

The Chinland Post| 2020 February 29| 2019-2020 Tangka kum Ramkomh Cozah budget in Chin ramkulh fimcawnnak sianginn le herhbau phun 119 caah Kawlram tangka Kyats in nuai 17868.4 (sing thongza sawmsarih le sing thongriak le zingzaruk le sawmriat le singli) kyats hman a si lai i cu riantuannak caah tender auh cuahmah a si tiah Chin ramkulh fimcawnnak zung lei in thawng kan theih.

Chin ramkulh khuate lei nunning thanchoternak caah fimcawnnak thancho ding izuam cuahmah a si i sianginn cio ah siangngakchia milu zat in sianginn thar sakding, remhding, saya/mah te umnak inn le lo sak ding tbk phun 119 then in sakding an timtuah cuahmah hi a si.

Chin ramkulh peng (9) Hakha peng caah phun (13) tangka dihding tangka Kyats 2595.25 (sing thongkul thongnga le sing zakua le sawmnga le singhnih le thong sawmnga), Falam peng ah phun 16 tangka in nuai 2563.29, Mindat pengah rian phun 9 tangka in nuai 1210.71, Thantlang peng ah rian phun (10) tangka in nuai 2437.38, Tedim ah Rian phun (11) tangka kyats nuai 1108.2, Tonzang ah rian phun (11) tangka in nuai 1432.2, Matupi peng ah rian (12) tangka nuai 2303.010, Kanpetlet ah rian phun (26) tangka nuai 2973.24 le Paletwa ah rian phun (11) tangka in nuai 1245.12 tiin rian phun (119) caah nuai 178868.4 pek an timh hi a si. Hi rian 119 chungah rian phun (113) hi Tendeer auh in tuah colh ding a si i rian phun (6) bel hi a voihnihnak ah auh a si lai tiah theih a si. Ref: IPRD Hakha