Chin Ramkulh Hluttaw Speaker Hlun Pu Hau Khen Kham A Thi
TCP-Hakha| 2019 April 29| Avoi 1nak Chin ramkulh hluttaw Speaker a rak tuanmi Pu Hau Khen Kham cu damlo zawhfahnak in thi tiah kan theih.
Chin ramkulh hluttaw Speaker hlun Pu Hau Khen Kham cu April 27 zanlei sang a umnak inn ah a thi. Damlo zawtfahnak in a thih hi a si tiah kan theih.
Pu Hau Khen Kham hi President U Thein Sein hruaimi cozah chan ah USDP party in MP a tling i President nih min cazin a peknak thawng in Chin ramkulh hluttaw Speaker ah thim a rak si.
Chief Minister Pu Hung Ngai hruaimi Chin ramkulh cozah bu in Finance and Planning minister Pu Nang Za Mung zong minister rian a tuan dih hnu le a term dih hnu ah 2017 July 2 ah damlo lungmih in a nunnak a liam.
Atu lio NLD hruaimi cozah chan ah Matupi peng in ramkulh hluttaw palai MP Pu Hung Kheng le Kanpetlet peng in Pyithu hluttaw palai MP Pu San Khin zong mizapi ca rian an tuan cuahmah lio ah accident le damlonak in an nunnak a liam tiah kan theih.
About The Author
