Chin Ramkulh Hluttaw Zung Thar Hunnak An Tuah Cang
Tawk Tling Thang| 2019 February 21| Chin ramkulh hluttaw zung thar sakmi cu February 20 zingka ah hunnak an tuah cang tiah kan theih.
Hi hluttaw zungpi hunnak cu Chin ramkulh Chief Minister Salai Lian Luai le Chin ramkulh hluttaw Speaker Pu Zo Bawi telh in tuanvo ngeitu upa hna nih sunglawi ngai in hunnak an tuah.
“Hluttaw zungthar hunnak kan tuah dih cangka in zungthar ah kan i thial dih colh lai. Zungthar ahcun media corner kan tuahp chih caah hluttaw meeting tuah tikah zalongte in media pawl thawng nan la kho cang lai” tiah Chin ramkulh hluttaw Speaker Pu Zo Bawi nih a chim.
Hi hluttaw zungpi le guest house hi a zapi 6 billion renglo dih in sakmi a si. Hluttaw zungpi pawngte ah hluttaw guest house cu 3 star level in an sak chih i 2019 January 31 ah hunnak an tuah chung cang tiah kan theih.
NLD cozah thar a kai hnu in Chin ramkulh hluttaw nih upadi 8 an ser i ni-upadi 4 an fehter. Chin ramkulh hluttaw cu ralkap palai telhchih in an zapi minung 24 an si.
Hika ahhin Chin ramkulh hluttaw zung thar hunnak an tuah lio video zoh khawh a si.
About The Author
