Chin Ramkulh In 5D A Hmutu Min Cung Nung Le Dawt Tha Par

0

Salai Cung Cung|2018 June 2| 2018 kum Chin ramkulh chung in 5D a hmutu minung pahnih an si. Mah hna cu Min Cung Nung le Dawt Tha Par hna an si.

Min Cung Nung hi Sanpiah Boarding School ah a kaimi a si i Dawt Tha Par hi Ever Shine ah a kaimi an si.

The Chinland Post nih a tawinak tein biaruahnak kan tuah hna i Min Cung Nung le Dawt Tha Par hna nih cun a tanglei bangin an chim.

Min Cung Nung

Ka pa Rev. Dawt Chin ka nu Zing Pawng, unau pa 6 kan si kei hi falai 2nak ka si. Ka khua cu Sakta. Sanpiah song ah ka um i BEHS No.3 ah sianginn ka kai. Biology ka lak cun sianginn khan hi (A) ah ka thu. Sianginn ka kai lioah hin Myanmarsa ka chei lo bik subject asi i ka tei bikmi Math a si. Hmailei ka timh mi cu Engineer tuan a si. Hi ka timhnak a ruang cu kan ram ah lam le sual lei kan thangcho lo tuk caah mah hi ka zoh tikah ka lung ah a um tuk i mah Engineer lei line hi ka timh mi cu a si. Ca ka zoh ning hi, kan inn le kan sianginn hi aa hlat tuk caah asong ka kai caan le sianginn ka kai caan hi ka ke tein ka kai peng i cu ka kai pah le ka tin pah in cun lampi ah ca ka zoh pah tawng. Mirang ca meaning pawl le Bio Definition. Hi ca ka zohmi nih hin aka thathnem tuk ka cawnnak le ka caminpuai ah, cun a caan ah sianginn ka tin pah le ka kai pah in Biakinn ah thla ka caam pah tawn, Pathian 5D ka hmuh khawh nakhnga tiin thla ka cam tawn. Kei hi ka ngandamnak a that tuk lo caah ca ka zoh caan hi asong ah saya te nih cazoh caan a kan tuah piakmi ning lawng in ka zoh kho. Hi 5D ka hmuh hi a pakhatnak ah Pathian kan thangthat cun ka nu le ka pa, ka saya te cungah kaa lawm tuk.

Dawt Tha Par

Ka nu le ka pa cu Run Hning le Zo Uk an si. Kei hi unau pa 6 kan si i a pa 4nak ka si. Ka sianginn kainak cu No.1 ah a si i Bio (A) ah ka thu, asong ka kainak cu Ever Shine ah ka kai. Kei cu ca hi fakpi in aa zuam tukmi cu ka si lo Pathain thawngin a si ko. Kan saya le nih ca zoh caan a kan tuahpiak mi leng in ca hi ka zoh pah tawng, zang 1am tian khi ka zoh tawn.

2018 kum Chin ramkulh tanghra result cu June 2 ah a chuak cang. Myanmar ramchung ah Chin ramkulh tanghra result a chia bik, zatuak 16.64% lawng an awng. Chin ramkulh ah Paletwa hi result a chia bik, zatuak 4.25% lawng an awng. Tukum Chin ramkulh ah Distinction tambik hmutu cu 5D in minung pahnih an si i Min Cung Nung le Dawt Tha Par hna hi an si.+++

About The Author

Na ruahning rak langhter ve.. (Leave a comment)

%d bloggers like this: