Chin Ramkulh Inndong Thong 50 Lengah Solar Mei An Bunh Piak Lai
TCP-Online| 2018 August 4| Chin ramkulh Mahadataa mei hri he khan 10 tluk aa hlatnak hmun mei a hmu lomi khuate (645) i inndong (50085) ah 2018-2019 tangkaa kum thok in inn hman ding solar mei pek an si lai tiah August 1 ni Pyitaungsuh hluttaw tonpumhnak ah cinthlaknak le electric mei lei minister zung nih an chim.
Chin ramkulh lawng si loin mahte aa uknak hmun Naga khua i khuate 189 i inndong 12430 le Sagaing ramthen chung i khuate 185 i inndong 33959 hna ah solar mei hna pek an si lai. Mah bawmhnak cu Italy ram nih bawmh mi a karh pek hau lo tangkaa cawihnak in ramkomh cozah lei nih timhlamhnak an ngei. 2020-2021 kum chung ah cu rian zong an thok cang lai ti kan theih.
Hi kong he pehtlai in Chin MP pakhat simi Pu Cin Khan Pau nih “Mah hihi mah le khuabawi sin ah sok cio a hau lai i a man 10% zong an pek hau te lai”tiah a chim.
Kawlram chung khuate kip mei a hmu rih lonak khua i Solar peknak cu ramkomh National Electrification Plan (NEP) lei nih tuanvo lak in rian an tuan te lai ti theih a si.
Ref: Zalen
About The Author
