Chin Ramkulh Le Magway Ramthen I Cinthlaknak Ca $Nuai 8 Tangkaa Cawih Dingin Hluttaw Nih A fehter

TCP-Online| 2018 September 9| Chin ramkulh le Magway ramthen i cinthlaknak lei caah The International Fund for Agricultural Development (IFAD) nih US Dollar nuai 8.984 cawi dingin September 6 ni ah tuahmi a voi 9 nak Pyitaungsuh Hluttaw tonpumhnak ah an fehter.

Mah tangkaa cawi in bawmhnak cu Chin ramkulh in Mindat le Kanpalet peng, Magway ramthen in Poh le Mein peng hna i cinthlaknak ca ah cawih le bawmh an si lai i inn dong thong 90 leng in minung nuai 4 leng nih an hman khawh lai tinak a si.

Hi tangkaa cawih le bawmhnak cu a karh um lo in cawihmi an si lai i kum 40 hnu lawngah cham a si te lai ti kan theih.

Ref; Pyitaungsuh Hluttaw