Chin ramkulh lei a rak rami ralhrang voihnih bom an puah, 3 tluk an thi
Post Staff | 2022 February 24 — Kalay le Chin ramkulh chaklei ah ke in a rak rakmi ralhrang le an mawtaw cu February 23 ah CDF phukomh hna nih bom voihnih an puah hnawh caah ralhrang a tlawm bik 3 an thi tiah theih a si.
February 24 zing sml 11:00am tluk ah Tedim peng Taingen in Falam lei ah ke in a rami ralhrang pawl cu Zawngkong khua pawngah PDF-Zoland le CDM-Siyin phufonh nih bom an puah hnawh hna hi a si.
“February 23 ah Taingen in Falam lei ah ke in a rami phu cu a langhlat in bom kan puah hnawh hna. Ralhrang 3 tluk hi cu ṭha tein a khen hna lai. Khua muih tiang mah ka hmun ahcun an um i a hnu ah Falam lei ah an kal tiah PDF-Zoland in chimnak nawl a ngeitu nih a chim.
Zaanlei sml 4:00pm tluk ah eidin le ralhrang a phormi mawtaw 18 cu bom kan puah hnawh ṭhan i mawtaw pakhat cu a rawk cikcek tiah a chimchap.
Mah mawtaw thluan cu a naih deuh in doh dingah harnak tete a um caah le khualtlawng an um lo caah bom in kan puahnak hi a si tiah PDF-Zoland in biachimnak nawl a ngeitu nih a chim.
February 15 zongah Falam khuapi in Kalay lei ah a rak ṭummi ralhrang mawtaw 23 cu PDF-Zoland le CDM-Siyin fonh in bom an puah hnawh hna caah ralhrang 10 leng cu an ruak hmanh char awk ṭha lo in an i samh dih tiah Khonumthung Burmese nih a ṭial.#
About The Author
