Chin ramkulh namnehnak kong cu Myanmar caah a cawlcangtu phu nih UN ah an phuan

The Chinland Post | 2022 September 28 – Khrihfa mi le mi tlawm u a si mi cungah a namnehtu SAC ralkap a zizut ding, Chin ralzaam pawl bawmhnak pek ding le NUG, CRPH cu phunglut cozah ah theih piak ding in Maryland hrambunh Chin Association of Maryland (CAM) phu nih UN sin ah an hal.

Geneva ah tuahmi UN Security Council i a voi 51 nak meeting an tuah lioah Chin ramkulh ah a ṭhudirmi Khrihfa pawl namneh a tonnak kong an phuannak online meeting cu September 27 ah CAM le Jubilee Campaign hruainak in an tuah.

Ṭhanchonak a ṭumchuk mi Chin ramkulh ah a ṭhudirmi minung i 85% leng cu Khrihfa an si i biaknak lei namnehnak an ton leng ah SAC nih hramhram in uknak a lak hnu thok in inn 2,000 hrawng an khuasa an sinak Thantlang khua cu inn 1,300 hrawng le biakinn 13 hrawh piak an si tiah CAM nih a phuan.

CAM phu nih UN chungtel ram pawl nih Chin ralzaam pawl bawmhnak pek ding, Security Council nih Kawl ralkap hriam zuarnak kham ding, nuhrin covo a buar mi hna kha ICC ah biaceih ding le ralkap nih vanlei in kahdohnak a tuahnak hnga lo No Fly Zone tuah piak ding in an hal.

Na ruahning rak langhter ve.. (Leave a comment)

%d bloggers like this: