Chin Ramkulh NLD Zungpi Hakha Hunnak An Tuah

0

Chin Ramkulh um National Leage for Democracy (NLD) nih Ramkulh zung, Pengkulh Zung (District) le Peng Zung tiah fonhmi Zungpi cu Hakha Hmunthar, Hlawhtlingtlang lam kainak pe 100 ahlatnak tluk Meithatnak zung thlang ah May 26, 2018 8:00am-9:30am kar zung hunnak an tuah tiah thawng kan theih.

Hi zung hunnak ah Chin ramkulh NLD ramkulh ai-awh upa hna, pengkomh upa hna, peng upa hna, Cozah zung Vuanci (ministers)hna, Cozah zung lutlai hna, khua nupa sawmmi hna telh in minung 100 fai an kai.

Zung hunnak ah Chin ramkulh NLD Chairman Pu Zo Bawi nih a rak kaimi dihlak sin lunglawmhnak, NLD Zung hmunhma kawlpiaktu Hakha peng uk thing U Thein Zaw sin a lawmhnak, NLD Central lei nih peng zung he kopmin pekmi ting 850 bawmhnak lawng an ngei i a tangmi saknak caah bawmchantu Company le satu Hnin Thazin Company cungah lunglawmhnak bia a chim.

NLD Zungkomh Hakha sakmi cu ting 1300 fai dih dingin pe 60″x30″ dothnih in sak a si. NLD Central lei nih sing 850 le Company pawl bawmchannak in December 14, 2017 ah Hnin Thazin Company nih sak hram aa thawk i May 26, 2018 ah zunghunnak an tuah khawh hi a si. Peng khuapi kip ah NLD zung sak khawh dingin NLD Central lei nih sing 150 cio zong bawmh a si. NLD zung hunnak an tuah dih in Chin Ramkulh NLD Conference zong an ngei chih tiah thawng theih a si.

Zung Hunnak a rami cheukhat

About The Author

Na ruahning rak langhter ve.. (Leave a comment)

%d bloggers like this: