Chin Ramkulh Pengkip Kum 90 Cung Tar Pawl Thlathum Chung Thlahlawh An Pek Cang Hna

0

Salai Cung Cung |2018 July 11| Chin ramkulh pengkip kum 90 in a cunglei tar pawl cu 2018 April thla thawk in khan social pension timi min bunh in thlakhat ah ks. 10,000 in thlathum chung thlahlawh an pek cang hna. Hi bawmhnak cu LIFT fund bawmhnak in kumhnih chung pek an si lai tiah kan theih.

“Chin ramkulh pengkip kum 90 cunglei tar pawl hi tukum April thla in khan thlakhat ah ks. 10,000 in bawmhnak kan pek hna. Hi bawmhnak cu thla fatin pek lo in thlathum ah voikhat (ks. 30,000) in kan pek hna. Hi bawmhnak cu cozah lei si lo in LIFT nih bawmhnak pek mi asi. LIFT nih hin kum 2 ca ks. sing 420 hrawng bawmhnak pek ding hnatlaknak an kan ngeih. Hi kum hnih a dih hnu in cun cozah lei tangka in hi bawmhnak cu kan peh zulh peng rih ko lai” tiah Director U Aye Min Nyunt nih The Chin land Post ah a chim.

Social Pension timi kum 90 cung lei bawmhnak pekmi hi aralaimi October thla in cun kum 5 an thumhpiak cang hna caah kum 85 cunglei paoh an pek cang hna lai tiah tuanvo ngeitu upa sin in kan theih.

Social Pension timi kum 90 cunglei tar pawl bawmhnak cu April, May le June thla ah bawmhnak pek an si. Pengkip bawmhnak pekmi cazin cu;

Hakha in April- 14, May -21, June – 35,
Thantlang in April -11, May – 10, June – 10,
Tedim in April -20, May – 31, June – 51,
Falam in April – 10, May – 25, June – 35,
Tonzang in April – 10, May -7, June – 17,
Mindat in April – 18, May – 17, June – 35,
Matupi in April -16, May -10, June – 26,
Kanpetlet in April -2, May -2, June – 4,
Paletwa in April- 28, May- 28, June -56 an si.

About The Author

Na ruahning rak langhter ve.. (Leave a comment)

%d bloggers like this: