Chin Ramkulh Pengkomh Pathum Ah Ma-Ha-Dat-Aa In Mei Pek Ding Tim Lam
TCP-Online| 2018 March 2| Chin ramkulh pengkomh pathum Paletwa, Matupi le Tedim hna ah 2018-2019 tangkaa kum in Ma-ha-dat-aa in mei pek ding timhlamhnak kan ngei tiah Chin ramkulh CM Salai Lian Luai nih a chim.
Chin ramkulh chung ah Hakha, Falam, Thantlang, Khaikam, Mindat le Kanpalet hna ah cun ma-ha-dat-aa aa pek kho cang hna i a tangmi pengkomh pathum zong a ralaimi tangkaa kum ah electric mei pek dingin timhlamhnak ngeih a si kong CM nih cun a chim.
Ma-ha-dat-aa a phak rih lonak peng hna ah hin Diesel in mei cu pek a si ko nain duhdim tein an hmang kho lo ti khuami hna nih an chim.
“A rannak in mei duhdim tein kan hmuh zok khawh nakhnga khuami pakhat sinak chim ka duh ko” tiah Matupi khua in Pu Sang Lung nih a chim.
Chin ramkulh chung ma-ha-dat-aa phak a harnak hmun Rezua, Rih, Tongzang le Cikha khua hna zong ah ti tha hmang in mei pek khawh a si nakhnga timhlamhnak ngeih a sinak kong le 2017-2018 tangkaa kum ah Chin ram electric mei ngahnak ding Kyats nuai 11436.481 hman cang a sinak kong ramkulh cozah sinin theih a si.
Ref:VOA
About The Author
