Chin Ramkulh Sipin Director Pu Thla Hre Rian Aa Din Cang

Photo credit; The Hakha Post TV

Salai Cung Cung | 2018 August 17| Chin ramkulh Sipin Director Pu Thla Hre cu a mah nih dinhnak (pension) a hal bantuk tein Chin ramkulh cozah nih August 14 ah rian dinhnak an pek cang.

Hi rian dinhnak kong he pehtlai in Pu Thla Hre nih “Rian dinhnak pension cu keimah lungtho tein ka lak mi a si, ka rian tuannak caan zong a sau ngai cang. Kum 39, 40 hrawng ka tuan cang. Thlauhtu tampi zong ka ngei nain, lak a za cang ka ti caah ka lakmi a si. Cozah lei buaibainak a um lo. Hi rian ka tuan chung ah hin lungtling lonak zeihmanh le i chirnak zeihmanh ka ngei lo tiah ka ruah, cun ka riantuan cia mi ka kut ke zong tampi a lang cang tiah ka ruah. Hmuh zong nan hmuh ko lai ti ka ruah, hi ka riantuan caan chungah hin Chin ramkulh caah ka tuah khawh mi tampi um bang ka tuah khawh rih lo mi zong tampi a um pah ve ko” tiah The Chinland Post ah a chim.

Sipin Director Pu Thla Hre Nih The Chinland Post July 29 Chuah News Paper Cungah Fianternak Atuah 17.10.2014

Chin ramkulh sipin lutlai ka si tikah ka khual tlawnnak kip ah Sipin upadi hi zapi nih an thieh khawh nakhnga ka chim rel tawn. Hlan ah cun sipin riantuan hi cu ti chim theo a si nain a tu ah cun a tha ngai cang. Sipin cu minung a chuah ka in a thih tiang tuanvo lakmi rian a si tikah a kau ngai te. Inn le lo, lam le sul caah Cozah sin tangka hal khawh kan izuam peng. Keimah tawk cun tampi ka tlamtlinh tiah ka ruah. Hmunkip ca tampi kan tuan bu in Chin ram khualipi Hakha aa dawhnak zong tampi kaa zuam ve. 2014 thok in Hakha lamkauhnak, Hakha Town Plan cawlcanghnak, Thianhhlimhnak, Hakha viewpoint le kokek harnak ruangah a cangmi thil ah tampi kan hmuh khawh. Sangthar samhmi le town planning bel ahhin kaa lungsi deuh lo. Hakha inn hlangmi 1900 hmunhma pek in inn 5000-10,000 kan karh khawhmi a si. Khuate lei tampi rak kai hna seh ti ka duh. Mah te in duhtawk inn a sami le inn tampi a ngei komi nih ningcang lo in inn an sakmi bel hi kan kham kho lo, Falam le Hakha ti peknak zong Sipin tuanmi a si lo nain tutiang an lim kho lomi hi ka sia a herh ngai. Sipin upadi nih, mipi nih an theih khawhnak Media pawl nih kan zuampiak peng u ti zong Pu Thla Hre nih The Chinland Post ah a chim.+++

Na ruahning rak langhter ve.. (Leave a comment)

%d bloggers like this: