Chin ramkulh tanghra caminpuai Physics phit ni ah a baumi 400 leng an si
The Chinland Post | 2022 April 6 – Chin ramkulh, tanghra caminpuai Physics phit ni April 5 ah a baumi siahngakchia 405 an si tiah State Education Office cazin in theih khawh a si.
A nikhatnak Kawlca phit ni ah phitding min cazin a pemi siahngakchia 2,960 chungah a rak phimi 2,259 an si i 701 an bau tiah theih a si.
A tutan tanghra caminpuai cu Hakha, Thantlang, Mindat, Kanpetlet peng hna ah a phimi siahngakchia an um lo. Tukum tanghra caminpuai ca check nak 9 a simi Falam, Tedim, Matupi, Kyaikhar, Tonzaang le Paletwa ah ca check nak 4 a um.
Tukum tanghra caminpuai cu March 31 in April 9 tiang ni 9 chung phit a si lai tiah theih a si.
Peng kip in April 5 tanghra caminpuai a phimi siahngakchia cazin cu Paletwa peng ah 616, Tedim peng ah 134, Kyaikhar khua ah 117, Tonzang khua 97, Falam peng ah 94 le Matupi peng ah 62 an si tiah theih a si.
About The Author
