Chin Ramkulh Tanghra Camipuai A Ni Khatnak Ah Minung 1,803 An Bau
Salai Elvis|2020 March 11|2019-2020 cacawn kum tanghra camipuai cu March 11 ni ah Myamarsa Subject an phi i Chin ramchung ah camipuai phi lo in minung 1,803 an bau tiah ramkulh fimcawnnak zungin theih a si.
Tum kum Chin ramkulh huap in tanghra camipuai phi ding Nu (8,018) le Pa (6,159) dihlak minung 14,177 an si i cu chungah Camipuai phi tak mi Nu (7,185) le Pa (5,189) an dih lak minung (12,374) lawng an phi i a baumi Nu (833) le Pa (970) an dihlak minung 1,803 an bau. A bau mi dihlak zatuak in 12.72 a si.
Chin ramkulh huap in tanghra camipuai dam lo ruangah siizung ah a phi mi Falam pengkomh in Cikha khua ah minung pakhat lawng a si tiah kan theih.
Tukum Kawlram chung huap in tanghra camipuai phiding cazin minung 970,759 an si i camipuai phitnak (sar-sit-hta-na) 1,990 hun a si i nikum ah 1,877 hun a rak si ve. Nikum nak in tukum ah 113 a karh deuh tiah kan theih.
About The Author
