Chin Ramkulh Telh In Peng Le Ramṭhen 12 Ah Ruah A Fak Kho
The Chinland Post | 2024 September 19 — Chin ramkulh telh in peng le ramṭhen 12 ah September 21-25 tiang hmun tampi ah ruah a fak kho i kokek thil ṭihnung kong ah i ralrin ding in SAC lei nih thawng an thanh.
South China Sea ah a cang mi thlichia a ṭhawng chin i September 20 ah Vietnam tlangcung hmunhma pawl a tan lai i September 21 ah Myanmar ram ni chuahlei hmunhma pawl a phan kho tiah September 17 ah an thanh.
Cubantuk thilchia ruang ah September 21-25 tiang Naypyidaw, Mandalay, Magway, Bago, Yangon, Irrawaddy, Tanintharyi, Shan, Chin, Rakhine, Karenni, Karen le Mon ram hmun tampi ah ruah a fak kho tiah theih a si.
Cheukhat hmunhma ah a pikpak tete in ruah a ngan lai, thil zong fakpi in a hrang lai tiah SAC lei khuacaan kong thawngzamh nih an thanh.
Ruah a fah bantuk in thlitu fak, tilian le min cimhnak pawl zong an cang kho i tlangsang cung ah a um mi hna nih min cimh le tiva pawng a um mi hna nih tilianh hna a chuah kho caah a hlan kan tein ralring uh tiah an thanh.
About The Author
