Chin Ramkulh Thlanglei A Rak Panh Mi SAC Ralkap Pawl Pawl Kyaukhtu An Phan
The Chinland Post | 2023 Oct 20 — Chin ramkulh Mindat, Matupi ah riahcaw rak chan ding in a rak i thawh mi SAC ralkap mawṭaw 80 hrawng cu Magway ramṭhen, Kyaukhtu an phan cang tiah Zalen nih a langhter.
A luancia September thla ah Pakokku in a rak chuak cang mi SAC ralkap mawṭaw pawl Kyaukhtu an rak phanh cang hi a si. Cu mawṭaw 80 hrawng chung ah ralkap thazang 300 hrawng an si lai tiah an ruahdamh.
Pakokku ah hramhram in an rak zulh ter mi mawṭaw pawl zong tuni tiang an thlah rih hna lo. Cu SAC ralkap mawṭaw pawl hi an kalnak lam thluangthluan ah dothlennak phu pawl nih an rak kah lengmang hna caah suimilam lawng a rau mi lam kha ni saupi an rauh hi a si.
Cubantuk in SAC ralkap pawl an luhnak Kyaukhtu khua ah phone line an phihnak hi zarhkhat leng a si cang tiah theih a si.
