Chin Revolution Funding Program riantuan ding an thok
A kal cuahmahmi rampi donthlennak caan lio ah a herhmi fund bawmhkhawhnak ding caah Chin Revolution Funding Program cu ramdang phan Chin miphun hna nih kan dirh tiah February 21 ah an thanh.
Chin miphun dothlennak caah a herhmi tangka pawl chapchin khawhnak caah Chin Revolution Program cu 2021 December 19 ah Chin miphun dothlennak caah tangka kawl khawhnak ding, Chin miphun a si lomi zong nih dothlennak caah an i tel khawhnak ding le Chin miphun dothlennak caah a herhmi le a chanbaunak pawl a hnu lei in bawmh khawhnak hnga caah tuahmi a si.
A tu bantuk thil tuah khawhnak ding caah Chin miphun lungrualnak, hmunkhat tein i hruainak le khat le khat i upatnak, Rian ṭuan duhnak le lungthiannak, eihmuarnak um lomi rianṭuannak, hmuitinh aa khatmi phu pawl he rianṭuanṭinak, mah phu, a hlutu le camhcawhfung a zuu tu vialte hna i huhminnak zulhphung hna zul in kan tuah lai tiah an cathanh ah an ṭial chih.
Chin Revolution Funding Program cu National Unity Consultative Council (NUCC), National Unity Government (NUG), Committee Representing Pyidaungsu Hluttaw (CRPH) pawl lawng hi phungning cozah ah cohlan an si nak kong, Interim Chin National Consultative Council (ICNCC), mipi uknak phu pawl, Chinland Joint Defence Committee (CJDC) le a dang hriamtlai phu pawl zong phungning tein Chin ram a aiawhtu phu ah cohlan an sinak kong zong aa tel. Cucaah, Chin Revolution Funding Program cu ramkomh a cozah, Ramṭhen cozah le khua cozah hna zulphung he a tlak ning tein fund kawl a si lai tiah cathanh ah an langhter.
About The Author
