Chin Vuanci U Phuai Aa Facebook Firpiak A Tong, A Firtu nih Mi Tangka A Hlen Hna

0

June 9, 2019 Salai Josephbawi| The Chinland Post|Chin ramkulh Cozah Lahwahkhah Vuanci thar U Phuai Aa Facebook (Kuitui Pa) cu June 6 zanlei tluk ah aho ti theihlomi minung nih a facebook an firpiak (hacked) i a firtu minung nih a mah facebook min lila hmang in minung pahnih sinah tangka sing (4) leng a hlen hna tiah theih a si.

Singkhat hleng a tongmi Mai Ei Sandar Mang nih “ Cozah upa rianngei pawl Facebook le Messenger hi ralrin tein hman hna seh ti ka duhpiak hna. Hi bantuk hlen le firpiak tong zong i taza cuai ding a si. Ka hawinu Mai Naomi Thang  (kanpetlet) zong singthum nizan nai te bak an ka hlen ve tiah a ka chim. Midang zong an hlen ve khawhmi hna a si” tiah The Chinland Post ah a chim.

“ Vuanci pakhat facebook a si timi ka theihmi pi nih bawmh a hun ka hal tikah amah taktak a si ko rua ka ti le kaa zumh sualmi a si. Ka kuat hlan ah rak chonh ta ning law hi bantuk a cang hnga lo. A hopaoh nih Wave Money phone in tangka kan kuat tikah chonh ta le hlathlai ta hnu lawngah kan chon hawk a si” tiah a biapeh ah a chim.

Vuanci Phuai Aa Facebook Firpiakmi in Mihlen Cakuat
(Ei Sandar Mang fb)

Hi Kong he pehtlai in Vuanci Phuai Aa nih “June 5 Laiva ah Cozah thingkung cin kan kal hna. Ka tlun in ka facebook ka deh cu atlau bantuk atha bantuk a um i zan 8 fai ahcun kau hrimhrim a ngah tilo. Atu ka hmanmi phone in ka tuahmi a si ko nain zeitin dah hiti a caan hi ka ruat kho hrim lo. MPT zung bel ahcun report ka tuah cang. MPT le Wave Money zong tha tein an ipehtlai I khoika zawn ah dah hi tangka hi an chuah timi aa fian tlaih khawh a si ko lai.” Tiah The Chinland Post ah a chim.

Facebook Hlennak Thawng ( Ei Sandar Mang fb)

“ ka fanu Falam a ummi he messenger kan ichonhnak hna a zoh lai I cu ti cun mi a hlen hna hi a si tiah ka ruah.  A chung ngai ahcun Vuanci ka si hlan ichonhnak tete a si caah a poimi cu a um lo. Simcard hi duhpaoh in cawk khawh asi nan ka sim cu  register ka tuah ka ti ko nain” tiah a biapeh ah a chim.

Vuanci Phuai Aa afanu Daw Moe Meen Pyway facebook zong June 6 ni ahcun firpiak (hacked) atong ve i amah min he afanu min pahnih hmangin mi tangka an hlen khawh hna hi a si.

Phone in Tangka kuat khawhnak Wave Money cu Hmahpungtin, ID tbk zeihmanh hal a si lo tikah Phone number veve itheihmi lawng I ikuatmi a si tikah iralrin a herh ngaingaimi a si. Hi kong he pehtlai in Wave Money lei pehtlaihnak zeihmanh kan tuah kho rih lo.

About The Author

Na ruahning rak langhter ve.. (Leave a comment)

%d bloggers like this: